「不聽老人言，吃虧在眼前。」呢句話用嚟形容因醜聞辭職嘅紐約前州長葛謨，甚為恰當。葛謨自動唔撈之原因，全世界都知道佢因為對屬下女子施展鹹豬咀、鹹豬手，喺千女所指之下，只好黯然銷魂，宣布引退。但原來佢喺辭唔辭職考慮之時，前美國總統克林頓曾經向「同病相連」嘅葛謨提建議。

據爆料人說，克林頓同白宮女實習生萊溫斯基之間嘅性醜聞，鬧得天下皆知，該事件更引發一系列調查及對克林頓的彈劾案，獲得美國和國際社會的相當關注，最終克總逃過一劫，避免做黑仔，所以，克林頓喺葛謨性騷擾調查期間，向葛谟提供建議，建議佢舉行公衆新聞發布會，直接向紐約人發表講話，咁樣可以避免辭職。「你睇我，最後頂多俾老婆打兩巴，跪到天光，但我仍然保存老總職位。但係，葛謨嘅顧問經過一波又一波嘅會商後，一致認爲，如果葛谟向民眾講述性騷擾指控，只會帶來傷害而唔係幫助，因此克林頓嘅建議冇被採用。

結果係點？大家都有眼見，就係葛謨頂唔順壓力，「此處不留爺，自有留爺處。」如果當時採納克林頓意見，會唔會扭轉敗局？八友認為會；因為克林頓與溫萊斯基喺總統辦公室搞搞震，劍及履及，較之葛謨親個阻兒，摸下腰兒，更令人震憾，而克總做到任滿，自有先見之明，若無把握，點能夠向葛謨教路。所以，老葛，閣下「一子錯，滿盤皆落索」矣！